यस क्षेत्रबाट स्वतन्त्र उम्मेदवारी दिएका भद्रप्रसाद नेपाल स्वागत नेपालका नामले चिनिन्छन् । उनी पूर्वपत्रकार, अधिवक्ता एवम् अभियन्तासमेत हुन् । ‘राइट टू रिजेक्ट’को मुद्दासहित चुनावमा होमिएका नेपाल उन्नत लोकतान्त्रिक पार्टीका अध्यक्ष छन् । आफ्नो उम्मदेवारी व्यवस्थाका लागि भएको भन्ने नेपालले एमसीसीविरुद्ध सर्वोच्चमा मुद्दासमेत दर्ता गरेर चर्चा कमाएका थिए । विभिन्न सामाजिक सरोकारका विषयमा उनले वकालत गर्दै आएका छन् ।
